食自己

eat yourself

 

2006/03/23

一頭煙

見到 Ailie 響《七味雞丸配金菇炒米粉》話佢想搞炭燒不過冇爐,有 D 隨想;好,寫低。

話說日本人喜歡 grill o野食,又勁慳家 (佢地甚少出街食飯,慳埋 D 錢又買多份保險),所以唔少家庭都有個大型高火力燒爐,用番夠本是也。

但係有爐一回事,燒o野食 D 油煙確實唔講得笑。我上次試整燒銀鱈魚時就大教訓咯:



話說日本朋友話佢o地食銀鱈魚比較執著,用西京麵豉醃足一日o黎令味道更好,唔係李錦記乜乜方便醬料包可比。呢oo野冇乜人響屋企搞得掂,所以畀多幾個錢都要買日本空運o既云云。

朋友補充話畀完錢其實問題已經解決大半;將舊魚 wing 落個 grill 爐o黎燒加 D 鹽就搞掂。

呼… 味道就一流o勒,不過寒舍冇抽油煙機,得抽氣扇,結果搞到對面大廈 D 街坊都知我o個餐食西京汁銀鱈魚。




2006/03/22

懷念醉劍館:七味雞丸配金菇炒米粉

昨日剛在超市買來免治雞肉,靈機一觸,起手做個七味雞丸。原版為炭燒,屋企無炭爐,唯有改用煎,然後把剩油用來炒麵,剛剛好。

材料
(5個雞丸)
免治雞肉 150克
蒜頭 2小瓣
黑胡椒 酌量
豉油 約2茶匙
蔥或乾蕃茜 (parsley) 適量
油 約2/3湯匙
七味粉(即七味唐辛子)

(炒米粉一人份)
快熟東莞米粉 一個
金菇 半包
頭油 約1 湯匙
砂糖 約1茶匙
水 約半杯

做法
1. 東莞米粉用熱水浸軟,待用。

2. 蒜頭切碎,連黑胡椒、蔥及豉油與雞肉拌勻。

3. 兩手沾水,把雞肉搓成約一吋直徑的雞丸,然後置於一個大碗中。手不時要濕水,否則雞肉會黏手。

4. 雞丸做好後,把七味粉灑在雞丸上,直至全部雞丸均沾上七味粉為止。

5. 鑊燒熱,加油,再加雞丸,並用筷子不時翻動,直至雞丸全部變成金黃色為止(約3-4分鐘)。起鑊留用。

6. 原鑊放入浸軟的米粉、金菇,炒一分鐘左右加入1/4杯水、砂糖及和豉油,炒動至米粉變成啡色為止。如見米粉太乾,可陸續加入少許水控制。

7. 把雞丸放進米粉中回鑊,略煮1-2分鐘即可上碟。

小的雖然已經轉戰廚房,但對好菜館和美味菜餚仍然念念不忘。幾年前銅鑼灣有家叫做「醉劍館」的燒鳥(日文,即串燒)料理,老闆其實是本地劍道道場中人,鍾情於燒鳥,加上有當時本地日本料理少有的Ebisu啤酒,頓成小的出糧後經常流連之地。可惜醉劍館已於四、五年前結業,不知老闆有否在其他地方另起炭燒爐?