豉汁排骨

一個人煮食，最怕係乜？我最怕係洗鑊，因為又油又黑，仲要過水，洗完又好多時好似硬係好油咁，洗極都無乜實效．所以呢，一枝公，蒸炒煮炸炆燉焗七樣野最好就主攻蒸一瓣就好了． 蒸 排骨係我做仔年代學既，小學生幫手煮定野等阿媽返來做少樣，就由呢一味開始．其實無咩好學，去肉檔同豬肉佬講要幾多排骨，用來蒸既，佢就知你要咩排骨． 排骨洗淨，"擎"乾水，就落料醃佢，例牌醃料通常即係油糖生粉胡椒鹽，總之隨你喜歡，improvise！蘇絲黃就教要加水搞一搞，我未有機會試．之後再 落D豆豉搞勻佢就得左． 查實，醃好就差不多煮好呢味菜．煮飯時擺埋入電飯煲蒸就可以等食．想有ｄ變下可以加ｄ油炸鬼或者麵筋．上檯前有閒情可以灑ｄ紅椒碎上面．

This work is licensed under a
Creative Commons Attribution-NonCommercial-NoDerivs 2.5 License